Naskah “Luka Dihati Tabawa Mati”

Karya : Aluh Rabiah

TOKOH-TOKOH

1. Jamhar

Psikologis	:	Pekerja keras, gigih, tidak mudah putus asa, tegas.
Fisiologis	:	Umur 25 tahun, gagah, hitam manis.
Sosiologis	:	Mudah bergaul, memiliki relasi banyak, tidak punya orang tua.

• Inur

Psikologis	:	Kalem, tergesa-gesa dalam mengambil keputusan
Fisiologis	:	Umur 22 tahun, cantik, kulit putih kuning langsat
Sosiologis	:	Kekasih Jamhar, memiliki orang tua yang berada

• Abah Inur (Hamdi)

Psikologis	:	Tegas, egois, keras kepala
Fisiologis	:	Umur 45 tahun, kulit sawo matang, kumis tebal
Sosiologis	:	Abah Inur, orang terpandang di kampung A

• Uma Inur (Idah)

Psikologis	:	Penyayang, tidak enakan, baik, penurut
Fisiologis	:	Umur 40 tahun, tidak terlalu tinggi
Sosiologis	:	Mama Inur, ibu rumah tangga

• Warga1 (Isah)

Psikologis	:	Suka berprasangka buruk, menyimpulkan tanpa tahu kebenaran
Fisiologis	:	Umur 35, kulit sawo matang
Sosiologis	:	Suka bergaul, tetangga Inur

• Warga2 (Dayah)

Psikologis	:	Bijaksana, tenang, penengah
Fisiologis	:	Umur 40 tahun, berhijab
Sosiologis	:	Tetangga Inur

SINOPSIS

Manumbuk baras ulah kukulih

harum baunya maulah lapar

kada hanya tunggal banih

pandiran gin harus ditakar

Setiap kalimat dari bait yang terucap, memiliki makna yang berbeda jika disampaikan dengan tutur bahasa yang indah. ucapan yang tidak bisa ditakar mampu menjadi penyesalan untuk diri sendiri. lisan yang akhirnya membawa luka diantara hubungan yang dibangun dengan ketulusan dan harap.

Babak 1

Fade In

            Seorang laki-laki dan wanita terlihat berbincang di atas sebuah bangku panjang yang berada di sebuah taman.

Inur	:	“Nang kaya apa habar pian ka? Lawasnya sudah kita kada badapat.”
Jamhar	:	“Alhamdulillah baik haja, Nur. Lamun ikam pang nang kaya apa jua habar diri?”
Inur	:	“Alhamdulillah ulun baik haja jua ka ai, tagal ada nang harus ulun sampai akan kalawan pian parihal hati nang mulai samalam kada karuan rasa.”
Jamhar	:	“Apa nang maulah pian jadi kada karuan rasa, Nur?”
Inur	:	“Ringkut awak mairik banih Paluh barubuian panas manggantang Lawas pang sudah mamadu kasih Kahada niatan kah lakas badatang”
Jamhar	:	“Pucuk sirih gasan manginang Dibuat di dalam rantang Niat hati handak lakas badatang Tapi duit jujuran masih kurang”
Jamhar	:	“Handak banar sabujurnya kaka ni maminang pian. Tagal kaka rasa masih kada pantas mamikir akan masalah gawian nang hari ini tulak bagawi, isuk balum tantu, pakulih hari ini gasan makan tiga hari gin syukur disyukuri.”
Inur	:	“Lamun kaitu ka ai, pian bapadah haja dahulu kalawan uma abah wan niat pian nitu, datangi ka rumah bailang, bakatahuan dahulu lawan uma wan abah. Mun sudah bapadah nyaman haja kaina kayapa kah, lawan masalah gawian jangan tapi dipusang akan ka ai, ada haja tarus mun pian cangkal haja.”
Jamhar	:	“Mudahan niat kaka ngini ditarima haja lawan nang ampun rumah.”
Inur	:	“Inggih, Aamiin. Jadi wayah apa pian handak bailang ka rumah?”
Jamhar	:	“Isuk pagi kaka datang ka rumah pian, Nur.”
Inur	:	“Inggih ka, ulun hadangi pian isuk.”

Fade Out

Babak 2

Fade In

Scene 1

            Sesuai kesepakatan Jamhar dengan Inur tentang niat Jamhar yang ingin melamar Inur. Akhirnya Jamhar menepatinya dan bertamu ke rumah Inur. Jamhar pun datang menghampiri ibu dan ayah Inur yang kebetulan sedang berada di teras rumah.

Jamhar	:	“Assalamualaikum!”
Hamdi	:	“Waalaikumsalam, mancari siapa?”
Jamhar	:	“Ulun datang kasini handak manamui Inur, ada kah urangnya?”
Hamdi	:	“Uhh, ada ai Inur di dalam. Umanya, kiau akan Inur suruh kaluar dahulu.”
Idah	:	“Hadang lah mangiau akan, duduk hulu, tuh.”
Jamhar	:	“Inggih.”

Jamhar duduk di teras rumah

Idah

:

“Nur! Uhh, Nurrr! Kaluar hulu ada nang mancari ikam.” (sembari sedikit berteriak dari teras)

Inur keluar rumah

Inur

:

“Uhh, pian kah ka? Bapandiran haja hulu lawan uma abah, ulun handak ka dapur hulu maulah akan banyu.”

Inur masuk ke dalam rumah menuju dapur

Idah	:	“Ada niatan napa pian mancari Inur?”
Jamhar	:	“Panas-panasnya makan gumbili              Gumbili dimakan lawan parutan nyiur              Niat hati badatang ka sini              Handak baikat janji lawan si Inur.”

Inur masuk membawakan minuman dan menyodorkannya ke Jamhar

Hamdi	:	“Tikar purun lipat di pati                Lipat di pati gasan paraman                Lamun ikam handak maambil bini                Adakah ikam baisi jaminan”
Jamhar	:	“Jaminan nang kayapa nang pian maksud?”
Hamdi	:	“Uma abah ikam bagawi napa? Ikam pang ada baisi gawian napa?”
Jamhar	:	“Ulun sudah kada baisi kuitan lagi, kuitan maninggal sudah, mun gawian ulun wayah ini sarabutan ai.”
Hamdi	:	“Dangari aku lah! Bahwasanya kaluarga kami ni tarmasuk kaluarga nang terpandang di kampung ni, Inur kada mungkin kuizin akan basanding lawan ikam nang miskin, kada baisi apa-apa, gawian kada jalas, kadada nang kawa diharap akan lawan ikam, baik jauhi haja gin Inur!”
Inur	:	“Bah, napa pian bapandir nang kayaitu lawan Jamhar?”
Hamdi	:	Badiam ikam, ini gasan ikam jua mancari laki kada nang kaya inya ni hidup susah, intinya aku kada manyatujui buhan kam bedua kawin.”

Hamdi	:	“Baulah palatar kayunya ulin   Lantai barigat lajui disapu  Pantang manarima minantu miskin  Lantaran kada sapadan lawan di aku”
Inur	:	“Bah, purunnya pian.”
Hamdi	:	“Maasi mun dipadahi kuitan tu! Masuk ka dalam kamar, ikam Jamhar ai bulik haja sudah kadada gunanya ikam ka sini.”

Hamdi menyeret Jamhar untuk meninggalkan rumahnya.

Scene 2

Jamhar pergi meninggalkan rumah Inur dengan perasaan yang sangat sedih karena tersakiti oleh percakapan orang tua Inur yang membuatnya tersinggung. Setelah jauh dari rumah Inur, Ia tengah memikirkan sesuatu agar bisa mewujudkan niatnya untuk menikahi Inur.

Jamhar	:	“Malihat ari pina maram           Handak balayar tumatan Kuin           Rasa luka hati di dalam           Rahat dihina lantaran miskin”
Jamhar	:	“Lamun nang kakaini haja aku kada kawa badiam, aku cinta banar lawan Inur kayapa pun caranya aku usahakan gasan mandapat akan Inur.” (Raut wajah Jamhar seketika berubah, ada sesuatu terlintas dalam pikirannya).
Jamhar	:	“Mudahan lamunnya lawan cara ini aku bisa kawin lawan Inur.” (Jamhar pergi menjauh dari rumah Inur).”

Fade Out

Babak 3

Fade In

Pagi hari itu Inur sedang menjemur pakaian di halaman rumah. Tiba-tiba Jamhar datang dengan sebuah tas besar yang digendongnya.

Jamhar	:	“Assalamualaikum.”
Inur	:	“Waalaikumsalam.” (Inur menengok ke belakang dengan raut wajah sedikit kaget)
Jamhar	:	“Bamasak nasi dua talu takar    Handak mananggar buntus panci    Umai rajinnya si bungas langkar    Magin marikit cinta di hati”
Inur	:	“Ka Jamhar maapa ka sini?”
Jamhar	:	“Uma wan abah mana? Ada kah di rumah?”
Inur	:	“Abah mama lagi kaluar ka ai, pian ada niat napa kasini? Mambawa tas ganal tuh gasan apa lawan handak ka mana pian?”
Jamhar	:	“Kaka handak madam satumat, handak mancari gawian, ulihannya kaina gasan kita kawin, kaka handak mambukti akan ka wadah kuitan pian dulu bahwa kaka kawa jadi laki nang pantas basanding lawan pian ding ai.”
Inur	:	“Ka, kada parlu sabujurnya pian kaini. Kada usah mancari gawian ka luar gin, gawian nang ada di kampung haja.”
Jamhar	:	“Kaka satumat haja, kaina kaka babulik pulang mun sudah cukup duitnya supaya abah pian marastui lawan kaka.” (memegang tangan Inur).
Inur	:	“Mangaut nasi lawan wancuh           Maumput asam di pamaraman           Ading jauh kaka jauh           Doa tapanjat gasan kaka nang di pamadaman”

Jamhar	:	“Nur, ini ada galang gasan pian. Simpani bujur-bujur.” (Jamhar memasangkan gelang ke tangan Inur)
Inur	:	“Inggih ka.”
Jamhar	:	“Hadangi kaka ding lah, kaka tulak hulu.” (Jamhar beranjak dari hadapan Inur)
Inur	:	“Ka, hadangi satumat.” (Inur bergegas ke dalam rumah dan keluar membawa sesuatu)
Inur	:	“Ka, ini gasan pian. Simpani jua mun pian asa dandaman lihati gambar nitu.”
Jamhar	:	Inggih, kaka tulak hulu lah. Jaga diri pian babaik. Assalamualaikum.”
Inur	:	“Waalaikumsalam.”
Inur	:	“Asam hampalam asam kuini           Habis dimakan biginya di buang           Awan baarak ditangisi           Kakasih jauh di banua urang”

Fade Out

Babak 4

Fade In

            Waktu menunjukkan pukul 16.00 sore hari, saat itu ibu Inur ingin pergi ke acara pernikahan warga kampung sebelah. Inur yang sedang mengambil jemuran baju di halaman rumah dikejutkan dengan Isah dan Dayah yang memanggil Inur.

Isah	:	“Uuu, Nur! Mana uma ikam?”
Inur	:	“Eh, ada cil Isah lawan Acil Dayah. Ada ai uma di dalam hadang ulun kiau akan, duduk hulu cil, buhan pian handak minum kah?”
Dayah	:	“Aiii, kada usah bangalih-ngalih.”
Inur	:	“Kada papa cil ai, hadangi satumat lah ulun ulah akan banyu teh salajur mangiau uma.”

Isah

:

“Ayuja Nur ai.”

Inur memasuki rumah dan keluar membawa teh hangat untuk Acil Isah dan Acil Dayah.

Inur	:	“Hadangi cil lah, uma masih sumbahyang.” (Sambil menyodorkan teh hangat dan kembali melanjutkan aktifitasnya mengambil jemuran)
Isah	:	“Uhh, iyakah? Ayuja.”
Dayah	;	“Ari mandung putiki dadayan   Takutan bapanas awak hirangnya   Kada rugi baanak binian   Baik adabnya rajin urangnya”
Isah	:	“Awak lamak parutnya gambung           Awak kurus nang kaya tihang           Pabila jua batajak sarubung           Mun nang maulah karindangan kada jua badatang”

Acil Isah dan Acil Dayah pun tertawa diiringi senyum tipis dari Inur.

Inur	:	“Kada kawa malawani lagi ulun cil ai, harat banar pian ni bapantun.” (sambil menghampiri Acil Isah dan Acil Dayah)
Isah	:	“Maaf Nur lah, supaya ikam kada tasinggung banar ai lawan gayaanku tadi. Kada tasinggung kalo, Nur?”
Inur	:	“Kada cil ai, doakan haja mudahan capat razakinya sampai.”
Isah	:	“Aamiin, kalo ai hen sakit hati habis am tabawa mati kaina, aku nang kananya.”

Dayah	:	“Sabar haja Nur ai dahulu, nang ngaran lakian inya handak bausaha bujur-bujur tu kaina gasan ikam jua nyamannya.”
Inur	:	“Inggih, bujur cil ai. Buhan pian ni bisa banar sakalinya lah bapantunan, lajari pang ulun cil.”
Dayah	:	“Bah iya am, maka uma ikam harat bapantunan. Ni pang Nur ai bagusnya urang bisa bapantunan, makanya dikenal urang ramah, bisa mambari nasihat tapi kada maulah sarik, bisa mudil mambahasa akannya tu nah.”

Ibu Inur keluar rumah.

Isah	:	“Nah, nang kaya uma kam ni nah diundang tarus di pangantinan. Kaya apa kada cair tarus lah ma haji.” (tertawa)
Idah	:	“Umai ai bisa banar. Ayu kita tulakan sudah. Nur jagai rumah lah, uma tulak hulu nah. Assalamualaikum.”
Inur	:	“Inggih ma, waalaikumsalam.”

Idah, Isah, dan Dayah pergi meninggalkan Inur seorang diri. Inur seketika teringat Jamhar yang sedang merantau.

Inur

:

“Nang kaya apa jua nasib Jamhar di pamadaman? Mudahan salamatan haja.”

Siang wan malam badan marista badan

Halin diriku nang saurangan

Ta’ingat kasih

Di pamadaman 2x

Tulak marantau ya sayang mancari makan

            Kada lupa lah badan hati di badan

            Satiap hari rindu dandaman

            Burung tarabang

            Kupasanakan 2x

            Angin ba’tiup ya sayang kubayangakan

Duduk ma’ungut lah sayang di muha lawang

Ingat ba’tamu di bulan tarang

Bajanji kawin

Kawin ba’arak ya sayang wan kuda gipang  

Fade Out

Babak 5

Fade In

            Pagi hari, orang tua Inur sedang santai di teras rumah. Mereka memanggil Inur yang sedang berada di kamar.

Hamdi	:	Umanya, aku samalam pas saruan di kampung subalah tuh ada tatamu kawan lawasku. Inya ada baisi anak kurang labih saumuran ja nang kaya Inur. Aku cagar handak manjuduh akan Inur lawan anak kawanku nitu tadi tampulu balum babini jua inya.”
Idah	:	“Baiknya kita pandir akan lawan Inur gin dulu bah ai, takuni inya handak kah kada kah.”
Hamdi	:	“Hiih, lamun kaitu kiau ai dulu Inurnya.”
Idah	:	“Inggih hadang bah lah.”

Idah masuk ke dalam rumah untuk memanggil Inur. Inur pun keluar bersama Idah

Inur	:	“Kanapa bah manyuruh ulun kaluar?”
Hamdi:	:	“Duduk dulu sini, abah handak bapandir.”
Inur	:	“Apa nang handak pian pandir akan, bah?” (bersiap duduk)
Hamdi	:	“Abah samalam pas saruan ada tatamu kawan lawas abah, inya ada baisi anak kada jauh umurnya lawan ikam, tatuha pada ikam sadikit haja paling 25 tahunan, baik ikam balaki lawan inya haja nyata urang pangusaha, daripada lawan Jamhar pacangan sakit ikam hidup.”
Inur	:	“Hah? Napa timbul handak manikah akan ulun lawan inya, ulun cintanya lawan Jamhar lain lawan anak kawan abah nang kada ulun kenal, suah tatamu haja kada, ulun kada handak!”
Hamdi	:	“Nah, dangari jar kuitan! Inya sugih, baik urangnya, dari kaluarga nang terpandang jua, cucuk gasan kaluarga kita.”
Inur	:	“Cucuk di mata pian, tapi kada cucuk gasan ulun. Intinya ulun tatap mahadangi Jamhar!”
Idah	:	“Bah, biar akan gin sudah Inur nya handak lawan Jamhar, kada bagus mun bapaksaan lamun Inurnya kada handak jua.”
Hamdi	:	“Kada! Anak kawanku tampulu balum babini jua, harus nikah lawan pilihanku, aku handak nang terbaik haja gasan Inur supaya kada hidup sakit.”
Inur	:	“Pian ni egois banar bah ai, ulun tatap kada handak!”
Hamdi	:	“Mun ikam kada handak kawin lawan inya, jangan lagi anggap aku ni abah kam!”
Idah	:	“Bah, bawa basabar. Jangan kaitu lawan anak saurang.”
Hamdi	:	“Intinya aku handak Inur kawin lawan urang nang sudah kupilih akan. Mun ikam tatap karas handak kawin lawan Jamhar, jangan harap Jamhar kawa hidup tanang.”
Inur	:	“Bah, jangan diapa-apai Jamhar!” (menangis).
Hamdi	:	“Mun nang kaya itu harus hakun dikawin akan lawan lakian nang sudah abah pilih.”

Inur tidak berani membantah lagi setelah ayahnya mengucapkan hal tersebut. Dia menangis sejadi-jadinya. Ibunya pun tidak bisa berbuat apa-apa dan hanya bisa menenangkan anaknya yang menangis di dekapannya.

Hamdi

:

“Kayapa? Hakun nikah lawan pilihan abah kah atau Jamhar abah sakiti?”

Dengan berat hati Inur mengangguk meng-iyakan tawaran ayahnya untuk menikah dengan laki-laki yang tidak ia cintai.

Inur	:	“Ingg…inggih, ulun hakun kawin lawan pilihan pian.” (menangis).
Hamdi	:	“Bagus, kaina abah bapandiran pulang lawan kaluarganya.”

Inur masuk ke dalam kamar dengan perasaan yang sedih karena tidak bisa berjodoh dengan Jamhar.

Fade Out

Babak 6

Fade In

            Sore hari Inur duduk termenung di halaman rumah. Ia sedang memikirkan sesuatu.

Inur

:

“Kada kawa aku batarusan kaini, mungkin mun aku manuruti apa jar kuitanku aku kawa hidup nyaman lawan anak lakiku kaina lantaran kahidupan di kaluarganya wan jua gawiannya sudah pasti nyaman, mun aku mahadangi Jamhar balum tantu inya bulik wan gawian nang sudah manatap, tapi gasan kabaikanku lawan manyanang akn kuitan jua aku mancuba gasan mancintai lakian lain biar wayah ini masih kada kawa malupa akan Jamhar.”

Tiba-tiba tidak jauh dari rumah Inur ada seorang laki-laki yang menggendong sebuah tas besar di bahunya. Laki-laki itu adalah Jamhar yang sudah pulang di perantauan.

Jamhar

:

“Ka higa rumah banaik raman     Raman dipancuk wan uyah acan     Rasa dandaman kampung halaman     Akhirnya tajajak pulang ka tanah kalahiran”

Jamhar menghampiri Inur yang sedang berada di halaman rumah.

Jamhar

:

“Assalamualaikum!”

Inur yang masih termenung terlihat kaget melihat Jamhar yang berdiri di hadapannya.

Inur	:	“Waa…alaikumsalam! Jamhar?”
Jamhar	:	“Ini kaka sudah bulik ding ai, kaka sudah siap manamui abah mama pian pulang gasan maminang pian.”
Inur	:	“Tapi ka….” (Inur terlihat gugup).
Jamhar	:	“Tapi kanapa, Nur?”
Inur	:	“Baik pian bulik haja gin sebelum katahuan mama abah ulun.”
Jamhar	:	“Kanapa disuruh bulik, maka aku ka sini handak manamui pian lawan mama abah pian gasan mamandir akan rancana kita kawin.”
Inur	:	“Ka, ulun minta maaf ulun kada kawa kawin lawan pian.”
Jamhar	:	“Hah? Kanapa? Maka kita sudah bajanji mun kaka bulik kaka handak maminang pian, kanapa jadi kada kawa?”
Inur	:	“Ulun kada kawa manarima pian jadi laki ulun karna ulun sudah baisi calon laki nang pacangan satumat lagi ulun kawin lawan inya, ulun sudah dijodoh abah lawan inya.”
Jamhar	:	“Kaka tahu pian pasti masih maharap kita nang kawin, pian kada handak kawin lawan inya kalu Nur? Jujur haja ini pasti kahandak abah lain kahandak pian.”
Inur	:	“Ka ulun kada kawa membantah ujar abah lawan ulun mamikir akan jua kahidupan ulun kaina pas barumah tangga, ini gasan kabaikan ulun jua supaya nyaman, ulun mamilih lakian nang kaluarganya sapadan lawan kaluarga abah wan jua pasti gawiannya.”
Jamhar	:	“Liwar purun pian ding ai, tapi kaka ka sini gasan handak mangawini pian, kaka sudah mambawakan duit jujuran biar kaka wayah ini masih balum dapat gawian nang manatap tapi kaina kaka bausaha banar supaya kawa hidup nyaman lawan pian.”
Inur	:	“Sampai pabila kaitu ka?? Ulun kada handak lagi mahadangi lawas-lawas, ulun butuh nang pasti, ulun sudah mamilih kaputusan ulun tatap kawin lawan lakian nang dipilih abah.”
Jamhar	:	“Purunnya pian maingkari janji kita, Nur.”

Jamhar tidak bisa berkata apa-apa lagi selain memilih meninggalkan tempat itu dengan rasa kekecewaan yang mendalam. Tidak jauh dari rumah Inur, langkah kaki Jamhar terhenti. Ia tengah memikirkan sesuatu.

Jamhar	:	“Manapas baju di sungai Kuin     Baju ditapas sakalinya larut     Lamun kakasih mamilih ka lain     Dalas batungkih tatap kurabut”
Jamhar	:	“Sakit hati banar aku mun ditulak kaluarganya sampai Inur saurang mamilih lakian nang lain lantaran aku kada baisi harta, kada kawa aku kaini.”

Fade Out

Babak 7

Fade In

Waktu menunjukkan pukul 20.00 WITA, saat itu Ibu Inur ingin pergi ke tukang pijat yang berada di kampung sebelah dan ditemani ayah Inur. Orang tuanya menugaskan Inur untuk menjaga rumah.

Idah	:	“Nak, mama lawan abah tulak dulu lah, jagai rumah lah.”
Inur	:	“Inggih, ma.”

Orang tua Inur akhirnya pergi meninggalkan Inur seorang diri di rumah. Setelah beberapa saat orang tua Inur pergi, terlihat seorang laki-laki dengan memakai penutup kepala mengendap masuk ke rumah Inur. Tiba-tiba setelah laki-laki itu masuk terdengar suara teriakan Inur dari dalam rumah, laki-laki misterius yang memasuki rumah Inur segera lari ke luar dengan membawa kotak yang berisi uang yang sangat banyak.

Inur

:

“Tolongggg!”

Isah dan Dayah yang kebetulan lewat di depan rumah Inur terkejut mendengar teriakan minta tolong. Akhirnya mereka menghampiri sumber suara yang ternyata berasal dari rumah Inur.

Isah	:	“Suara siapa itu? Kaya suara Inur minta tolong tadi.”
Dayah	:	“Suara Inur, sah.”

Isah dan Dayah yang bergegas ingin menghampiri Inur tiba-tiba tertabrak oleh seseorang yang memakai topeng. Isah yang ingin mengejar orang misterius tersebut akhirnya mengurungkan niatnya karena melihat Inur yang keluar dengan pakaian yang berantakan.

Isah	;	“Astagaaa! Inur! Kanapa tadi?”
Inur	:	“Ada maling nang mamasuki rumah ulun cil, inya mambawa duit simpanan abah.”
Isah	:	“Kamana urangnya bukah tadi, Nur?”
Inur	:	“Ulun kada tahu cil, ulun kada kawa lagi bukah manyasah.”

Hamdi dan Idah masuk

Hamdi	:	“Ni kanapa rami banar di muka rumah, Nur? Kanapa ikam manangis?”
Idah	:	“Kanapa, nak jadi manangis?”
Isah	:	“Tadi rumah pian kamalingan, duit nang ada dalam kotak tu jar Inur nang diambilnya.”
Hamdi	:	“Astagaaa!”
Idah	:	“Inur pang kayapa? Kada diapa-apai kalo? Duit haja kalo nang diambil?”

Inur semakin menangis

Hamdi	:	“Kanapa, Nur? Kada diapa-apai kalo ikam?”
Inur	:	“Ka Amuntai manukar itik           Itik bini wan jua itik laki           Ibarat kambang nang diputik           Layu sampai mati.”
Hamdi	:	“Dasar biadab maling tu.

Tiba-tiba Inur pingsan

Idah	:	“Nur! Bangun, nak! Astagaaa.”
Isah	:	“Bawa ka dalam dulu cil.”
Idah	:	“Astagaaa, bah bawa Inur ka dalam.”

Fade Out

Babak 8

Fade In

            Setelah kejadian kemarin, Inur memilih untuk mengurung diri di kamar. Ia merasa terpukul terlebih dengan keadaan dirinya yang tidak perawan lagi. Saat itu pikirannya berkecamuk. Ia berniat ingin mengakhiri hidupnya.

            Tarian kontemporer masuk menggambarkan perasaan Inur yang sedang hancur diiringi instrumen musik.

Fade Out

Babak 9

Fade In

            Pagi itu terdengar suara teriakan dari dalam rumah Inur. Warga yang sedang berada di sekitar rumah Inur terkejut dan langsung menghampiri ke arah sumber suara. Dari dalam rumah orang tua Inur terlihat membopong Inur yang sedang sekarat akibat meminum obat-obatan. Orang tuanya berniat ingin membawanya ke rumah sakit namun saat tiba di halaman rumah Inur terjatuh.

Isah	:	“Umanya Inur! Kanapa cil? Astagfirullahhh! Inur…”
Dayah	:	“Astagfirullah! Ini kanapa Inur jadi kaini?”
Hamdi	:	“Nurrr! Bangun Nak! Kada saharusnya ikam kaini.”
Idah	:	“Nur, bangunnn! Jangan tinggal akan uma wan abah kaini.”
Hamdi	:	“INURRR!” (Hamdi berteriak setelah mengecek nadi Inur)
Idah	:	“Inur kanapa, Bah?”
Hamdi	:	“Innalillahiwainnailaihirojiun.”
Idah	:	“Hahh? Bah? Kada mungkin, kada mungkin…Inur!”

Saat itu Jamhar berlalu di halaman rumah Inur. Ia melihat keributan yang terjadi di depan rumah Inur, ia akhirnya memutuskan untuk menghampirinya.

Jamhar	:	“Hah? Kanapa nih pina abut?”
Jamhar	:	“Astagaaa! Inurrr! Kanapa bisa jadi kaini?”
Idah	:	“Pinanya Inur jadi bunuh diri bakas kajadian samalam rumah kami kamalingan, kada cuman itu tapi Inur jua diperkosa lawan maling yang biadab banar itu tadi.”
Jamhar	:	“Ma…maling?” maling nang memperkosa Inur?”
Hamdi	:	“Dasar maling biadab saumur hidup kada ku rila maulah anakku jadi nang kaini.”
Jamhar	:	“Nur! Kaka minta rila, kaka minta maaf, Nurrr.” (memeluk Inur)
Hamdi	:	“Maapa ikam ni, kanapa ikam nang jadi minta maaf?”
Isah	:	“Hiih, kanapa ikam minta maaf?”
Jamhar	:	“A…nu, jadi nang sabujurnya ini ulah ulun jadi Inur kaini ulun minta maaf banar lawan buhan pian.”
Hamdi	:	“HAH? APA MAKSUD IKAM NI HAR? JADI IKAM KAH MALINGNYA?”
Jamhar	:	“Lain, bah. Ulun tapaksa bakalakuan nang kaini karna ulun sangkal lawan pian bah ai, ulun sarik banar, ulun tasinggung lawan pandiran pian pas ulun badatang handak maminang Inur, pian hina ulun lantaran ulun miskin, kada baisi kaluarga, kada baisi harta. Tapi ulun saat itu tatap kukuh pandirian handak mangawini Inur, tapi sakalinya pian juduh akan Inur lawan lakian lain nang sugih kada kaya ulun sampai Inur mamilih inya daripada ulun. Ulun ditulak karna kada baisi harta, lalu ulun handak maulah pian jara, ulun manyuruh urang gasan maambil harta pian nang pian cintai banar tapi ulun kada manyangka sakalinya urang suruhan ulun sampai manyantuh awak Inur, ulun cuman manyuruh inya maambil harta pian haja.”
Hamdi	:	“Talalu banar ikam ni bakalakuan!” (Plakkk, hamdi menampar Jamhar).
Idah	:	“Bah, bah, sudah bah sabarrr.”
Hamdi	:	“Ikam harus tanggung jawab!”
Jamhar	:	“Ulun minta maaf, bah.”

Ayah Inur kemudian masuk ke dapur. Lalu ia ke luar dengan membawa sebuah parang di tangannya.

Hamdi	:	“Mahancau iwak di baruh  Iwak batungap angkat hancaunya  Lamun wani bapaulah nang kada sanunuh  Wani jua mananggung risikonya”
Hamdi	:	“Ka sini ikam, ikam harus tanggung jawab, Inur maninggal gara-gara ikam, aku handak ikam mati jua.”
Idah	:	“Bah, sabarrrrr!”
Semua warga	:	“Aaaaaaa!”

Jamhar akhirnya terbunuh di tangan ayah Inur.

Black Out

Babak 10

Fade In

            Waktu menunjukkan pukul 01.00 WITA, dinginnya malam dalam jeruji besi Hamdi terlihat lesu menceritakan tentang asal mula ia bisa masuk ke penjara.

Hamdi

:

“Damintulah kisah anakku Inur wan Jamhar. Akibat pandiranku nang kada batakar, alamat diri manyasal manangis jingkar. Luka di hati Jamhar, luka di hati Inur, luka di hatiku nang akhirnya tabawa sampai mati. Pandiranku nang kada baaapik paampihannya mambawa diriku ka jaruji besi.”

Black Out